Bos  días nen@s  e  familias:

Como sei que vos  gusta  moito  recitar e usar o  atril, propóñovos que copiedes esta poesía e a recitedes entonando ben a pregunta.

Co conto do "PEZ  VOLADOR", as  poesías das aves e outras máis que irei poñendo xa faremos un gran recital para mamás, papás, familiares, amig@s...

E  POR  QUE?

E  por  que  a  terra  é  redonda?

E  por  que  hai  días  e  noites?

E  por  que  sobe  a  marea?

E  por que  sopra  o  vento?

E  por  que  cantan  os  merlos?

E  por  que  flotan  os  barcos?

E  por  que  voan  as  aves?

E  por  que  a  estrela  ten  brillo?

E  por  que  hai  nenos  con fame

se  me  sobra  bocadillo? 

Hoxe, gustaríame que o día transcurrise dun xeito máis dinámico. Por iso propoño que fagades uns experimentos moi sinxelos e que observedes que é o que acontece.

• A AUGA QUE CAMIÑA

A auga ten unha propiedade un pouco descoñecida, que se denomina capilaridade. Trátase da capacidade que ten de avanzar dun lugar a outro empregando distintos canles.

Neste experimento, ademáis de observar esta peculiaridade, imos traballar tamén a formación das cores secundarias.

Que precisamos?

• 6 vasos.
• Un pouco de colorante ou pintura de cor azul, vermella e amarelo.
• Auga.
• Papel de cociña.

Neste video podedes observar todo o proceso a levar a cabo para obter os resultados esperados. 

Que  aconteceu? Que cores obtemos?

• A CANDEA QUE FAI SUBIR A AUGA.

Que lle acontece a unha candea cando a tapamos?

Con este experimento imos observar algo moi peculiar.

Que precisamos?

• Un prato fondo.
• Auga.
• Unha candea.
• Un vaso transparente.

Este experimento é moi sinxelo. Só temos que poñer a candea prendida nun prato fondo con auga e tapala.

Saberíades explicar que pasou?

Espero que vos gusten estes dous experimentos! Non todo vai ser estudar .


IMPORTANTE

Todo o que mando non é para entregar á volta (así que non é necesario imprimilo).
O que sí debedes entregar é o que mandei no sobre grande e as poesías copiadas.

Recordo o meu email de volta: maribeadan@gmail.com

Un bico moi grande.